INCUDE XERAL: SAMAIN 2022

INCUDE XERAL: SAMAIN 2022: Como ven sendo habitual na nosa entidade coas datas de Samain / Halloween facemos unha serie de actividades que conforman a Xornada Lúdica d...

Circuito de Outono

Empezamos o próximo venres os torneos do Circuito de Outono.

Como noutros cursos será unha serie de torneos de partidas rápidas a disputar os venres. Neste caso maioritariamente no Centro Comercial Los Rosales ás 20,00.

Días de xogo: 21 e 28 de outubro e 4, 11, 18 e 25 de novembro.

A cota de participación é de 1 euro. O campión do circuito levará un trofeo. 

Para participar achégate ao Centro Comercial Los Rosales (1ª Planta).

Durante este trimestre de inicio de curso iremos publicando mais novidades semanalmente. 

Resultados pendentes

Iniciado o novo curso aproveitamos para intentar poñer ao día algunhas clasificacións que andaban perdidas.

É o caso do Torneo de Nocturnia desenvolto no CUR o 20 de maio:
1º. Laura 6
2º Alvaro 5
3º Juan 4
4º Marcos 3
5º Schiavone 2
6º Alexia 1
7º Raquel 0

Torneo do Pazo de Tor, o 30 de xullo.
1. Daniel C. 5
2. Nicasio 3 
3. Juanjo 2,5
4. José Alberto 2
5. Luis R. 1,5
6. Daniel P. 1

Mércores: Aproximación ao xadrez terapeutico.

Este mércores en Vila Concepción (Cambre) teremos a ocasión de mostrar aos interesados as nosas accións no xadrez terapéutico e os estudos que andamos a promover, moi especialmente o de xadrez e deterioro cognitivo co departamento de xerontoloxía da UDC.

Unha pequena presentación, comentarios e explicacións de xadrez e de "minixogos" baseados no mesmo.

De 19,00 a 21,00.

Anímate. 

O xadrez: ximnasio da mente.

INCUDE realizará a vindeira semana tres sesións para promocionar o xadrez na súa faceta de actividade saudable para o noso cerebro.

Como sabedes a entidade animou o proxecto do Departamento de Xerontoloxía sobre o beneficio do xadrez nas demencias (VER ESTUDO INICIAL). Na actualidade ademais de seguir con este estudo para o que se están a buscar fondos, a idea é iniciar outros no campo do xadrez e a saúde.

Pero centrándonos no positivo para o cerebro, as actividades, que se desenvolverán en Vila Concepción, grazas á colaboración do Concello de Cambre, son as seguintes:

Mércores 17. 19,00 — 21,00 

Presentación do programa xadrez e alzheimer desenvolto nos últimos anos pola nosa entidade e o 
Departamento de Xerontoloxía da Universidade da Coruña e dos resultados publicados na revista 
científica Geriatric Nursing. 

A actividade deste día estará dirixida especialmente a maiores , pero non exclusivamente xa que diferentes estudos iniciais desenvoltos noutros lugares amosan a importancia de xogar durante anos.

Normas básicas de xadrez e partidas.

Xoves 18. 19,00 — 21,00

 
Xogos diversos que axudan a ter o cerebro adestrado. A asociación internacional dos deportes de mente. Xogos clásicos que se poden desenvolver en taboleiros de xadrez: damas e Go/Reversi. Explicación dos mesmos. Torneos amigables de dous dos xogos.

Venres 19. 19,00 — 21,00 

Volta ao xadrez. Explicación básica das normas dos torneos de xadrez animando á participación no 
Torneo a celebrar o día seguinte. Realizaríase un torneo amigable para a aplicación práctica do 
explicado (20,00-21,00).

Anímate a asistir a todas ou algunhas das sesións e a disputar os torneos oficiais do sábado (hai que estar federado).