30/07/20

ACTIVIDADES DE XADREZ

ADESTRAMENTO VENRES 30
Ás 19,00 no CUR. Nunha sala da planta baixa, non do soto. Ventás e portas abertas. Máximo 6 persoas que manterán a distancia de 1,5 metros (salvo os dous xogadores da partida). É obrigatorio o uso de máscara en todo o edificio e de xel (haberá na entrada do edificio e na sala).
Desenvolvemento: De 19,00 a 19,30 charla técnica e resolución de problemas. De 19,30 a 20,30 Torneo de rápidas. Daremos unha camisola de actividades pasadas ao vencedor. Os torneos do 17 e do 24 engadiranse ao paralizado circuito presencial de xaneiro e febreiro. O vencedor do circuito terá tamén un trofeo.
Sorteo dun vale de pizza entre os participantes.
Cota: 5 € (levar o diñeiro xusto).
As inscricións deben facerse por Whatsapp no 654 60 37 16.
***Sen confirmación non se pode acudir á sala***

TORNEO DE XADREZ 960 OU FISCHERRANDOM
Imos facer a segunda edición do Torneo de Xadrez FischerRandom, disputándose por grupos de máximo 6 persoas a dobre partida e a empezar o 9 de agosto

Xogarase na plataforma chess.com
https://www.chess.com/tournament/ii-torneo-universitario-de-xadrez-960

16/07/20

Venres 17 e sábado 18

ADESTRAMENTO DIA 17

Imos facer a primeira proba de actividade presencial; adestramento venres 17 ás 19,00 no CUR. Nunha sala da planta baixa, non do soto. Ventás e portas abertas. Máximo 8 e mínimo de 4 persoas que manterán a distancia de 1,5 metros (salvo os dous xogadores da partida). É obrigatorio o uso de máscara en todo o edificio e de xel (haberá na entrada do edificio e na sala).

Desenvolvemento: De 19,00 a 19,30 charla técnica e resolución de problemas. De 19,30 a 20,30 Torneo de rápidas. Daremos unha camisola de actividades pasadas ao vencedor. Os torneos do 17 e do 24 engadiranse ao paralizado circuito presencial de xaneiro e febreiro. O vencedor do circuito terá tamén un trofeo.

Sorteo dun vale de pizza entre os oito participantes.

Cota: 5 € (levar o diñeiro xusto).

As inscricións deben facerse por Whatsapp no 654 60 37 16.
***Sen confirmación non se pode acudir á sala***

Se hai un mínimo de cinco persoas que desexen un adestramento similar outro día poden facer unha solicitude.

18 DE XULLO: TORNEO SUB 12

Continuando os torneos online sub12 dos últimos sábados de cada mes temos o 18 e 25 o TORNEO DIA DE GALICIA ás 12,00 en Lichess. Seguramente sendo un sábado de verán non haxa moita xente, pero ai vai a ligazón para participar:

https://lichess.org/tournament/xlTEly48

Contrasinal: SANTIAGO

01/07/20

Algunhas conclusións da enquisa

Grazas aos que participaron na enquisa destes días. Asumíamos que habería moitos que non participarían, pero que polo menos chegaríamos a ter opinións diversas.

Aqui deixamos algúns resultados, ainda que depois son matizables.

Xa de entrada a participación estivo en porcentaxe moi similar ao que a conformación do Club con maioría relativa dos sub12 e maioría absoluta de sub18.


* Mais da metade dos que respostaron a enquisa recoñecen ter pouco coñecemento dos protocolos de xadrez fronte a COVID

* Unha boa maioria expresa temor ao reinicio dos torneos presenciais, pero case un 33% sitúase nos puntos mais favorables ao reinicio (8, 9 e 10 na escala).

* A maioría quere que se reduzan os ritmos de xogo para evitar posibles exposicións longas.

* A maioría expresa que non deben realizarse no interior.

* Hai case igualdade na posibilidade de empregar mobil ou tablet como sustitutos.

* Un 40% aproximadamente considera que deberían empregar luvas.

* A maioría considera que deberíamos rebaixar premios/trofeos e aumentar en prevención.

* Unha maioría moi ampla non ten problemas de alerxia ou temor a un posible abuso de desinfectante.

* Hai un empate prácticamente na solicitude de que se reanude a Liga en tódalas categorías.

No tocante aos torneos online:


* A gran maioría considera que hai que aumentar os torneos online.

* Hai empate na posibilidade de cobrar cotas e dar trofeos.

* A gran maioría considera que hai que facer proba oficial por equipos online.

* Sobre reinicio das clases presenciais os que expresan temor baixa un pouco, pero mantense nun 60%-40%

* Hai menos problema ao uso de material de xogo habitual que nos torneos, e mesmo a posibilidade de empregar luvas, pero tamén aumenta a porcentaxe dos que consideran que deben empregarse mobil ou tablet.

* Unha maioría considera que se poden aumentar as cotas se é por protección.

* Un 33% considera que 8 alumnos por grupo sería excesivo.

* Unha curta maioría prefire pagar mais e que os grupos sexan mais pequenos.

* Só un 20% considera que debemos facer mais de 2 horas de clase.

* Un 33% cree que debemos facer actividade tipo campus en xullo e agosto.

* So un 33% prefire as clases telemáticas.

* Hai empate entre os que pagarían por clases telemáticas e os que non.

* Un 33% estaría disposto a pagar mais se o profesor é un GM o un MI.

A diversidade de opinións tamén se ve nos comentarios abertos nos que parte dos enquisados sin que aínda é cedo para calquera actividad presencial e outros pensan que hai que facer xa cousas o quedaremos atrás.

Poñémonos a traballar xa con estes datos. Grazas a todos polas vosas opinións.