José Ramón Gómez gañou o Torneo do martes

Unha proba curiosa que sustituia ao tradicional Maratón, que seguimos agradando poder celebrar cando a situación COVID mellore.

De feito, temos o espazo asignado e agardamos poder facer algo nos primeiros meses de 2022. A ver se hai sorte coa evolución da pandemia.

O resultado dos torneos foi o seguinte:

TORNEO DE 5 MINUTOS

  1    JOSE RAMON GOMEZ,  5          8.0  12.5   15.0

  2    JOSE FERNANDE OTERO, 4          6.5  12.5   12.0

  3    MARTIN HERVADA, 3          8.5  14.5    9.0

  4    BRAIS MARTINEZ, 3          6.0  11.5    8.0

  5    BRAIS CASAS, 2          8.5  14.0    7.0

  6    DAVID PEREZ, 1.5        6.0  10.5    5.0

  7    ADRIAN QUEVEDO, 1          7.5  12.0    3.0

  8    PABLO ESPARRAGO, 0.5        6.5  12.5    1.0

TORNEO DE 3 MINUTOS

1 JOSE FERNANDE OTERO, 3.5 9.0 14.0 12.5

2 JOSE RAMON GOMEZ, 3.5 7.5 11.5 11.5

3 MARTIN HERVADA, 3 9.5 15.0 10.0

4 BRAIS CASAS, 3 9.5 13.5 7.0

5 DAVID PEREZ, 3 8.0 13.0 8.0

6 BRAIS MARTINEZ, 2 9.0 13.0 6.0

7 ADRIAN QUEVEDO, 1 8.0 11.5 3.0

8 PABLO ESPARRAGO, 1 7.5 12.5 2.0

Como resultado o vencedor foi José Ramón Gómez Torre.

Daria gaña o Torneo de Outono Escolar

Daria foi a vencedora do Torneo de Outono Escolar, que se disputaba na categoría sub12.

A clasificación foi a seguinte:

1 DARIA con 4 10.5 17.5 14.0
2 GRETA con 4 7.5 12.0 13.0
3 IVAN con 4 7.5 12.0 10.0
4 SIENA con 3.5 8.0 13.0 9.5
5 VEGA con 3.5 7.0 12.5 12.5
6 PABLO D., con 3.5 6.0 11.5 9.5
7 BERENGUELA con 3 10.5 16.5 11.0
8 TEO con 3 7.0 12.5 6.5
9 CLAUDIA con 3 6.0 9.0 6.5
10 IAN con 2.5 10.0 15.5 9.5
11 XOEL con 2.5 9.0 13.0 10.5
12 LUCAS con 2.5 8.5 14.5 5.5
13 ANGEL con 2.5 6.5 10.0 8.0
14 ALEJANDRO con 2 7.5 12.0 8.0
15 KAI con 2 7.0 11.0 5.5
PABLO M. con 2 7.0 11.0 5.5
17 VALENTINA con 2 6.0 10.0 3.0
18 ALBERTO con 1.5 9.5 14.5 4.0
19 MARIÑA con 1.5 6.5 11.0 5.0
20 ALEXANDRA con 1 7.5 13.5 1.0
21 UMA con 1 4.0 9.5 4.0
22 SOFIA con 0.5 7.0 12.5 2.0

ACTIVIDADES FINAIS DE 2021

Estas son as últimas actividades de xadrez da nosa organización neste 2021. 

TORNEO DE OUTONO ESCOLAR

Este venres remataremos o Torneo de Outono Escolar que veu desenvolvéndose nas últimas semanas.

CIRCUITO DE OUTONO 

Última rolda do circuito. O pasado venres tivemos o penúltimo torneo con esta clasificación, unha liga a dobre volta co seguinte resultado:

1. Martín Hervada

2. Ernesto Pérez

3. Rodrigo Pena

4. Daniel Codesido

Con estes resultados o circuito ten esta clasificación:

Próximo Torneo: Venres 17 de decembro ás 20,30 no Centro Universitario de Riazor.

TORNEO DE ANIVERSARIO

1. Participantes.

Poderán participar nesta proba os xadrecistas que o desexen. Só haberá 16 prazas,  que deberán contar con licenza federativa. 

2. Modalidade.
Xogaranse cinco partidas en sistema suizo.
3. Ritmo de xogo.
Haberá 15 minutos de tempo por xogador. 
4. Lugar. 
Centro Comercial Los Rosales

5. Día e Hora.
Sábado 18 de decembro

1ª Rolda: 17,30 / 2ª Rolda: 18,00 / 3ª Rolda: 18,30 / 4ª Rolda: 19,00 / 5ª Rolda: 19,30 

6. Premios.
Trofeo para os tres primeiros clasificados.

7. Inscricións.

Inscrición de balde. Como en anos pasados solicitamos unha doazón de alimentos non perecedeiros.

A ligazón de inscrición atópase mais abaixo.

ASPECTOS ESPECIAIS POLA COVID
Será de aplicación a normativa de prevención antiCOVID de adestramentos da Federación Galega de Xadrez. As seguintes normas tamén serán de aplicación en tanto complementan algunhas das anteriores e non as limitan. 
1. É obrigatorio levar posta unha máscara en todo momento. Non estará permitido comer ou beber na sala de xogo. 
2. É obrigatorio o uso do xel na entrada da sala. Así mesmo deberá usarse sempre que as mans entren en contacto con superficies non desinfectadas e especialmente tras tocar as pezas manipuladas anteriormente polo rival (no caso das capturas). 
3. Será obrigatorio o uso da alfombra desinfectante colocada á entrada sa Sala de Xogo.
4. Os xogadores non permanecerán na sala de xogo mais tempo do necesario para xogar a partida. Polo tanto non haberá análise posterior. Tampouco poderán pasear pola sala.
5. Os xogadores non deberán darse a man ao inicio ou fin da partida. 
6. Antes de entrar na sala medirase a temperatura dos participantes.
7. Os aspectos aqui expostos poden verse complementados, antes e durante o torneo co fin de garantir na medida do posible unha actividade segura.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

Advertencia 1: Os participantes (ou os seus titores) autorizan a publicación dos seus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes... etc.) así como a súa aparición nas fotos realizadas cos mesmos propósitos.

Advertencia 2: Os participantes deberán achegar asinado o documento de aceptación de risco dacordo cos protocolos anti-COVID presentes na páxina da Federación Galega de Xadrez. 

MODELO PARA MENORES DE IDADE - MODELO PARA MAIORES DE IDADE 

TORNEO MARATON

Diferentes torneos alternos o luns 27 de decembro. Se estás na Coruña ven pasar a tarde botando partidas de xadrez.

1. Participantes.

Poderán participar nesta proba os xadrecistas que o desexen. Poderán ser universitarios ou externos, neste caso deberán contar con licenza federativa. 

2. Modalidade.
Distintos torneos de xadrez intercalados.
3. Ritmo de xogo.
Haberá torneos con ritmo 3'+2'', 5 finish e 10'+3''. 
4. Lugar. 
Centro Universitario de Riazor

5. Día e Hora.
Luns 27 de decembro

6. Premios.

Trofeo para o primeiro clasificado.

Tamén para o primeiro universitario que terá o trofeo do XXXI Torneo Universitario.

7. Inscricións.

Inscrición de balde. Como en anos pasados solicitamos unha doazón de alimentos non perecedeiros.

PREME PARA ANOTARSE NALGUNHAS DAS ACTIVIDADES

A polaca Klara Czaplevska gaña o torneo dos venres

A estudante polaca de Erasmus Klara Czaplevska gañou o torneo deste venres dentro do Circuito de Outono. 

Coa participación do tamén erasmus Nuno de Oliveira, de Portugal, esta foi sen dúbida a edición mais internacional dos nosos modestos torneos dos venres.

Clasificación:

1. Klara Czaplevska

2. Fran Pedreira

3. Rodrigo Pena

4. Daniel Codesido

5. Ernesto Pérez

6. Nuno de Oliveira

Con estes resultados a clasificación do circuito é a seguinte:

O próximo torneo será este venres día 10 ás 20,15 no Centro Universitario de Riazor.

Retomamos o Circuito

Lembramos que hoxe venres, tras o parón da semana pasada polos Torneos de Outono, retomamos o Circuito de Outono, ás 20,15 no CUR.

SITUACION DA COMBINADA DOS TORNEOS DE OUTONO

Tras a publicación dos resultados das probas realizadas e a falta tan só do remate do Torneo Escolar (o que aínda será dentro de dúas semanas) a clasificación é a seguinte:

Dado que os primeiros clasificados non están a disputar o Torneo Escolar e a falta de posibles reclamacións o gañador sería o presidente do CIDU, Daniel Codesido.

Resultado dos Torneos de Outono

Despois dunha fin de semana chea de actividades chegamos á finalización dos Torneos de Outono. Foi unha interesante serie de probas que contou con participación internacional grazas á participación de erasmus de Polonia e Portugal.

Os resultados de cada torneo foron os seguintes:

Torneo de Outono de Rápidas
1 Rodrigo Pena,     4.5     7.5 14.0 12.5
2 Daniel Codesido,     4     7.5 14.0 13.0
3 Martín Hervada,     3     7.5 14.0 9.0
4 Jesús Ramos Suárez,     3     6.5 9.5 10.0
5 Francisco García,     2.5     9.0 15.0 7.5
6 Ernesto Pérez,     2.5     8.5 14.5 5.5
7 David Pérez,     2.5     8.0 13.0 7.5
8 Gonzalo Cambón,     2     7.5 12.0 3.0
9 José Pardo,     2     7.0 11.5 6.0
10 Pedro Romallo Vidal,     2     6.0 9.0 8.0
11 Anxo Castro Alonso,     1     7.0 11.5 3.0

Torneo Online

1 danidt

2 jacebo

3 Toarri

4 Vimara

5 SirJhonMoore

Campionato Mundial de Pasapezas por parellas
1. Francisco Pedreira - Rodrigo Pena
2. Daniel Codesido - Ernesto Pérez
3. Jesús Ramos - José Pardo

Liga de Outono por equipos
1. Sigrás grandes (Francisco Pedreira - Rodrigo Pena - Martín Hervada)
2. Pollos sin cabeza (Daniel Codesido - Ernesto Pérez - Francisco Troiteiro)
3. Enanitos pulgosos (Rubén Troiteiro - Pablo Iglesias - Carlos Pardo)
4. CIDU (Félix García - Jesús Ramos - José Pardo)
5. Sigrás enanitos (José Fernández Otero - Iván Santiso - Mateo Álvarez)

Torneo de Outono individual
1 Martín Hervada,     5     12.0 8.0 15.0
2 Klara Czaplewska,     4     14.0 8.0 13.0
3 David Pérez,     3     14.0 8.0 11.0
4 Rubén Troiteiro,     3     13.0 9.0 9.0
5 Rodrigo Pena,     3     13.0 7.0 9.0
6 Luis Rodríguez,     3     10.0 6.0 6.0
7 Adrián Quevedo,     2     13.0 8.0 6.0
8 Fran Troiteiro,     1     13.0 9.0 2.0
9 Pablo Iglesias,     1     11.0 8.0 4.0
10 Nuno de Oliveira,     0     12.0 6.0 0.0

Quedan en xogo o Torneo Escolar e o Circuito de Outono, así como a suma da combinada.

TORNEOS DE OUTONO

Os Torneos de Outono son una actividade do noso club de xadrez co apoio do Concello da Coruña.

É unha proba aberta a tódolos interesados. Poden participar tódolos xogadores que o desexen que sexan estudantes da UDC ou ben teñan licenza federativa en vigor (consultar en caso de non tela).

As probas presenciais terán lugar no Centro Universitario de Riazor, sede de INCUDE, na rúa Almirante Lángara de A Coruña.

Venres 19/11/2021

Torneo Lóstrego.

20,30 – 21,30 aproximadamente.
Premio: Trofeo para o primeiro clasificado.

Cota: 1 euro e 1 kilo de arroz ou pasta. Todos os asistentes recibirán unha máscara FFP2.

Torneo Lóstrego Online. 

22,30-23,30 

A través de Lichess e o club que mantén a Asociación Galega de Axedrecistas nesta plataforma.

TORNEO DE OUTONO DO CIDU Arena #wfgbZ7zq • lichess.org

Para participar é obrigatorio estar rexistrado no Club antes comentado (é de balde). Información para facerse premendo AQUI

Premio: Trofeo para o primeiro clasificado (terá que recollelo na sede do Club).

Sábado 20/11/2021

Torneo de pasapezas.

17,30 – 18,30 aproximadamente.
Partidas lóstrego desta divertida modalidade. O noso CAMPIONATO DO MUNDO.

Premio: Trofeo para os dous componentes da parella gañadora.

Cota: 1 euro e 1 kilo de arroz ou pasta. Todos os asistentes nalgunha das actividades da tarde recibirán unha máscara FFP2.

Liga de Outono por equipos.

18,30 – 21,00 aproximadamente. 
Torneo de partidas a 10' + 3'' para equipos integrados por 3 persoas.

A clasificación será por resultados globais dos encontros, sendo os puntos dos taboleiros o desempate.

Premios: Trofeos para os tres primeiros equipos.  

Cota: 1 euro e 1 kilo de arroz ou pasta. Todos os asistentes nalgunha das actividades da tarde recibirán unha máscara FFP2.

Domingo 21/11/2021

Torneo de Outono

Torneo de partidas a 10' + 3''. Suizo a 5 roldas. (17,00/17,30/18,00/18,30/19,00)
Premios: Trofeo para os tres primeiros clasificados na categoría absoluta e tres primeiros na categoría sub12. Medalla para todos os participantes sub12.

Cota: 2 euros e 1 kilo de arroz ou pasta. Todos os asistentes recibirán unha máscara FFP2.

Campión da Combinada: 

O campión da combinada resultará da aplicación do sistema cotián de circuitos de INCUDE nas cinco probas anteriormente descritas.

Outras probas dentro da serie de torneos de outono: Os Torneo Escolar de Outono e Circuito de Outono non se disputarán durante esta fin de semana e retomaranse na seguinte.

Advertencia 1: Dacordo coa normativa COVID aprobada pola Secretaría Xeral para o Deporte e a Federación Galega de Xadrez esta proba que non vale para ELO será considerada unha actividade de adestramento. Os asistentes ou os seus pais deberán cubrir o formulario de aceptación de riscos antes do inicio do torneo.

Advertencia 2: Os participantes na proba autorizan a publicación dos sus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes... etc.) así como a súa presencia nas fotos realizadas cos mesmos propósitos.

Advertencia 3: Para o mellor funcionamento do Torneo os organizadores poden ampliar as bases do mesmo antes da celebración da proba.

A participación leva aparellada a aceptación destas normas.

INSCRICIÓN

ACTUALIZACION DATOS DAS ENTIDADES 2.0

Vai xa para dous anos publicamos por vez primeira un resume sobre a nosa entidade e que é cada cousa. Foi poco antes do confinamento e dende entón houbo algunhas variacións.

Presentamos a version 2.0 desta guia, coa idea xa expresada entón de facer un resumo que iremos actualizando para tratar de que todos os que están na nosa organización saiban de que falamos. Se estás na actividade de xadrez debes saber que tes relación con estas entidades:

INCUDE
É a organización principal.
É unha asociación cultural e deportiva de estudantes da Universidade da Coruña.
Polo tanto a súa actividade fundaméntase na Lei de Asociacións e na Normativa de asociacións de estudantes da UDC.
Os seus directivos teñen que ser estudantes universitarios (que poden ter ou non interese no xadrez).
Cando publicamos a primeira versión o presidente era Brais Casas, que sucedera a Héctor Rodríguez. No pasado curso o presidente foi Pablo Furelos e xa no actual o presidente e Jesús Ramos, estudante de Económicas.
Como entidade universitaria emprega espazos da UDC, fundamentalmente no Centro Universitario de Riazor (CUR). Para un mellor funcionamento existen dúas organizacións ligadas a INCUDE.

ESCOLA UNIVERSITARIA DE XADREZ DE INCUDE
Adicada ao fomento e ao ensino do xadrez.
A súa acción vai dende rapaces á terceira idade. Dela dependen os monitores que colaboran co departamento de xerontoloxía e nos diferentes colexios. Dende o inicio do actual curso o seu responsable é Héctor Rodríguez, que como se comentou fora presidente de INCUDE, e que ven de suceder no cargo a Diego Medín. O coordinador segue a ser Ernesto Pérez.
A efectos prácticos dende fora non hai distinción do realizado pola Escola Universitaria e pola propia INCUDE.

CLUB DE INICIATIVAS DEPORTIVAS UNIVERSITARIAS (CIDU)
O obxectivo é a competición. O presidente dende 2016 é Daniel Codesido (que tamén fora na súa etapa de estudante presidente de INCUDE).
A súa actividade está dirixida á participar nas competicións federadas e a organizar dous torneos ao ano; o de Outono e o Aniversario.
É importante salientar que nos torneos á hora de indicar o club ao que se pertence só hai que poñer CIDU.
En principio os integrantes deste club deben estar nalgunha das seguintes categorías:
1. Membros da Comunidade Universitaria da Coruña
2. Alumnos e monitores da Escola Universitaria de Xadrez.
3. Directivos e colaboradores da entidade.
Aínda que pode haber algunha persoa que non se inclúa nunha destas tres categorías (principalmente rapaces) a filosofía do CIDU é ser basicamente un club escola, facendo equipos con aqueles que asisten regularmente a clases.
En calquera caso para os que non queren ou non teñen tempo para ir ás clases temos outras opcións.... vémolas a continuación.

..... ENTIDADES COAS QUE MANTEMOS COLABORACION .....

Ademáis das tres indicadas moi probablemente estando na nosa actividade entres en contacto con algunha das entidades indicadas a continuación. Pero en principio as que te incumben son as do apartado anterior.

SPORTING CLUB CASINO
A súa escola está destinada a socios do Sporting Club Casino. Ás veces cedemos xogadores para completar o seu equipo federado, pero no curso actual hai cerca de trinta inscritos na súa escola. A actividade de xadrez no Casino levaa a S.C.D. PALAESTRA, entidade que organiza tamén as actividades no Centro Comercial Los Rosales (que na pandemia converteuse no espazo mais activo do xadrez na cidade). O presidente de Palaestra é Ernesto Pérez, que polo tanto coordina o xadrez universitario e o do Sporting Club Casino.

XADREZ DAS MARIÑAS
Este club foi creado inicialmente para xuntar na competición escolar da Xunta aos rapaces do CIDU, Casino, Sigrás e Betanzos. Tense convertido nun dos referentes da competición escolar, gañando sempre nalgunha das categorías na comarca. Ten a súa sede oficial en Sada pero hai anos abosrveu a un dos clubes mais antigos de España; o coruñés Club de Ajedrez de Artesanos, polo que asumiu a súa historia e praza na Liga Galega. En xeral quen se achega ao xadrez universitario pero non está nalgunha das categorías sinaladas anteriormente acaba neste club. A efectos prácticos cando falamos do deporte escolar da Xunta, Xadrez das Mariñas é a nosa marca. O presidente é Francisco Javier García. 

ASOCIACION GALEGA DE XADRECISTAS (AGAX)
AGAX organiza actividades ao longo do ano. Durante a pandemia mantivo unha ampla actividade en interner co seu dominio www.xogandocoxadrez.eu . Edita libros, folletos de iniciación e planiñas que veredes en diferentes actividades e clubes. O seu presidente é Ernesto Pérez.

Dani Codesido gaña o terceiro dos torneos

O presidente do CIDU gañou o terceiro dos torneos do Circuito.

Con esta vitoria pasa a liderar o circuito con medio punto de ventaxe sobre Rodrigo Pena.

1. Daniel Codesido
2-3. Rodrigo Pena
2-3. Ernesto Pérez
4. David Novoa

O próximo torneo será o vindeiro venres día 26, ás 20,15 no Centro Universitario de Riazor.

Daniel Codesido vence no Circuito de Outono

Daniel Codesido adxudicouse o segundo dos torneos do Circuito de Outono.

A segunda praza de Rodrigo Pena, empatado a puntos con Daniel, permítelle manter o primeiro posto do Circuito.

Clasificación do Torneo

1. Daniel Codesido 4
2. Rodrigo Pena 4
3. Ernesto Pérez 3
4. Roberto Serrano 2
5. David Novoa 2
6. José Pardo

O próximo día de torneo será o venres día 5 no Centro Comercial Los Rosales.

A ponte do Samain

Estas son as nosas recomendacións para esta ponte, na que realizaremos varias actividades distintas.

VENRES 29

En colaboración con AGAX dende as 19,00 teremos mesas dispostas no Centro Comercial Los Rosales para poder botar partidas de xadrez e nese mesmo espazo ás 20,15 teremos un torneo do noso Circuito de Outono, consistente en cinco partidas a cinco minutos.

Tras as partidas de xadrez realizaremos algunha partida a outros xogos.

Se o que te va é a maxia o noso exdirectivo e antigo alumno de Socioloxía, David Maestro, actúa no auditorio de Arteixo ás 20,00.

Tamén este venres detérminase cal será a directiva de INCUDE para o presente curso.

SÁBADO 30

AGAX realiza no Centro Comercial Los Rosales unha interesante tarde de xadrez coa Copa AGAX e torneo Tódolos Santos.

Podes ver a información e anotarte en www.xadrecista.eu. Unha combinación de torneo suizo e de Copa con eliminatorias. 

De 17,00 a 20,40 aproximadamente.

Tras as partidas de xadrez realizaremos algunha partida a outros xogos.

DOMINGO 31

Tamén AGAX organiza o domingo un novo torneo do seu Circuito dos Domingos Online. Ás 17,00 horas.

www.deporcultura.eu

Importante: Últimas datas para anotarse no TORNEO UNIVERSITARIO ONLINE.

É en chess.com no noso club pechado para membros da comunidade universitaria da Coruña.

https://www.chess.com/tournament/torneo-online-da-udc

LUNS 1

Inicia o Torneo Universitario Online.

(agardamos que te anotaras)

O mago David Maestro actúa en Cedeira. 

EMPEZOU O CIRCUITO DE OUTONO

Tras estes meses con actividade a medio gas, este venres retornábamos á nosa actividade presencial, recuperando unha das actividades que mais teñen caracterizado a nosa actividade nos últimos anos; a xuntanzas dos venres pola tarde.

Coa mellora da situación COVID decidimos recuperar estas accións ainda que empregando unha sala distinta de maior ventilación que o noso semisoto do Centro Universitario de Riazor.

Este circuito comezou coa vitoria do gañador dos anteriores circuitos de 2021; Rodrigo Pena, que esta vez xa non disputaba a proba como alumno da Universidade, se non como exalumno tras rematar no pasado curso o seu master.

Tras Rodrigo Pena quedou Manuel Cascallar, alumno de arquitectura e no terceiro posto o exalumno e expresidente de INCUDE, Daniel Codesido.

A clasificación foi a seguinte:

1 RODRIGO PENA,     5 8.0 14.0 15.0
2 MANUEL CASCALLAR,     4 9.0 16.5 13.0
3 DANIEL CODESIDO,     3 8.5 15.0 11.0
4 DAVID NOVOA,     3 8.5 13.5 10.0
5 ROBERTO SERRANO,     3 7.5 13.0 7.0
6 ANXO CASTRO,     3 6.5 10.5 8.0
7 VERA GARCIA-MUÑOZ,     2 7.5 10.5 7.0
8 ADRIAN QUEVEDO,     2 7.0 12.0 8.0
9 NOA GARCIA-MUÑOZ,     2 7.0 10.0 4.0
10 DAVID PEREZ,     1 3.0 9.5 2.0
11 DAVID PRESNO,     0 6.5 11.0 0.0

Como nos anteriores casos, os cinco primeiros puntuan para o Circuito.

CIRCUITO DE OUTONO

Aínda que manteremos as precaucións lóxicas, dende INCUDE anunciamos que o Circuito de Outono será presencial.

O circuito de outono de 2019, hai dous anos, foi o último que se puido facer presencial. O seguinte, o de inverno xa se veu modificado pola pandemia.

Seguiremos no noso estilo... 6 torneos cun circuito no que sumarán os cinco mellores clasificados.

Ritmo: 5 minutos finish.

Datas previstas de xogo:

Primeiro Torneo: venres 15 de outubro.

Segundo Torneo: venres 22 de outubro.

Terceiro Torneo: venres 5 de novembro.

Cuarto Torneo: venres 12 de novembro.

Quinto Torneo: venres 26 de novembro.

Sexto e último torneo: venres 3 de decembro.

Serán ás 20,15 no CUR. Planta baixa. Sala ventilada.

Cota de participación por cada torneo: 1 €

Premio en cada torneo: Camisola.

Premio do circuito: Trofeo.

O límite de participación será anunciado conforme as directrices da Universidade.  

Xogos de Enxeño

OLIMPIADA XOGOS ENXEÑO

Colaboración coa Asociación Galega de Axedrecistas e a Casa das Ciencias.
Actividade de carácter aberto para tódolos interesados.

Horario das accións: 16,30 – 18,30

Pola situación COVID partimos do limite a 10 persoas mais monitor que teñen os museos.

A Mind Sports Association, é unha entidade que reune dende 2005 ás federacións internacionais dos deportes de mente mais recoñecidos, sendo as fundadoras as federacións de Damas, Xadrez, Bridge e Go. Aínda que o Bridge ten o recoñecemento de deporte universitario pola FISU, non hai na práctica bridge universitario en España, polo que serán os outros tres xogos a base da actividade.

ACTIVIDADE 1: ACTIVIDADE DE XADREZ
Sábado 4 de setembro: Partidas libres e clases de iniciación ao xadrez.
Domingo 5 de setembro: Torneo de partidas rápidas. Trofeo Promocion de Xadrez.

ACTIVIDADE 2: ACTIVIDADE DE DAMAS
Un xogo moi coñecido en España, pero onde xógase una modalidade non recoñecida internacionalmente.
Sábado 11 de setembro: Partidas libres e clases de iniciación ás damas (var. española).
Domingo 12 de setembro: Torneo de partidas rápidas. Trofeo Torneo Universitario Damas.

ACTIVIDADE 3: ACTIVIDADE DE GO
Moi pouco xogado en España, ainda que en case todas as cidades hai grupos de practicantes (como no caso da Coruña ou de Santiago). Son mais coñecidos os xogos de Othello ou o Reversi (que aparecía antes en versións antigas de Windows) que son unha versión reducida do Go. Neste caso e debido a longa duración das partidas de Go, o Torneo será os dous días e simultáneamente haberá explicacións e partidas de Othello e de Go en taboleiro reducido.
Sábado 18 de setembro: Torneo Universitario de Go.
Domingo 19 de setembro: Torneo Universitario de Go

Información para anotase na web dos Amigos da Casa das Ciencias:

https://www.amigoscc.es/olimpiada-de-xogos-de-enxeno/

Empeza a última fase do Torneo 960

Tres xogadores iniciaron a segunda fase do Torneo 960 deste curso.

En canto remate iniciaremos o Torneo Online.

Podes seguir esta proba online en:

https://www.chess.com/tournament/ii-torneo-de-xadrez-960/pairings/2

Daniel Codesido gaña o pequeno torneo do Pazo de Tor

Daniel Codesido, expresidente de INCUDE e actual presidente do CIDU foi o vencedor na II Tarde de Xadrez no Pazo de Tor, unha actividade que tentaremos manter no futuro acrecentando as actividades.

Tras Daniel, que só cedeu unhas táboas, houbo un triple empate resolto a favor de Juan José Diéguez.

1 DANIEL CODESIDO,   1640  4.5 12.5 8.5 14.0
2 JUAN JOSE DIEGUEZ,   1380  3.5 13.5 8.5 9.5
3 NICASIO RODRIGUEZ,   1600  3.5 11.5 6.5 11.5
4 ARTURO PEREIRA,   1600  3.5 11.5 6.5 10.0

II TARDE DE XADREZ NO PAZO DE TOR

A Asociación Galega de Xadrecistas e as asociacións Savilemos e INCUDE animan a pasar o próximo sábado un rato coñecendo o Pazo de Tor, da Rede Museística da Deputación de Lugo, e particpar na  II Tarde de Xadrez no Pazo de Tor,

Nome do Torneo: II TARDE DE XADREZ NO PAZO DE TOR

Data: 31 de xullo de 2021.

Lugar: Pazo de Tor - Monforte

Hora de inicio: 16,30. As partidas duraran unha hora aproximadamente e a continuación haberá unha visita polo interior e polos xardíns do Pazo. O horario previsto aparece no cartel.

Hora de entrega de premios aproximada: 19,00.

Sistema de xogo: Suízo a 5 roldas. 

Desempates: A sortear tras a derradeira rolda.

Ritmo de xogo: 5 minutos a finish.

Categorías: Única.

Premios:

Trofeo para o mellor.
Agasallo para todos os participantes. Pola situación coa COVID o límite de inscritos será de 20. 

É obrigatorio o uso de máscara. En cada posto de xogo colocaremos xel desinfectante.

Cota: De balde.

Advertencia: Os participantes na proba autorizan a publicación dos sus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes... etc.) así como a súa presencia nas fotos realizadas cos mesmos propósitos.

A participación leva aparellada a aceptación destas normas.

Inscrición: a través desta ligazón... PREME

XXIX Torneo Semirrápidas

O Centro Universitario de Riazor acolleu o XXIX Torneo de Semirrápidas con partidas a 15 minutos. O vencedor foi Rodrigo Pena, alumno de Socioloxía. O segundo clasificado foi Pablo Lastra.

Suso Ramos ocupou a terceira praza, seguido de David Presno e Anxo. 

XXIX TORNEO DE RAPIDAS

Levamos xa 29 anos de torneos de partidas lóstrego na Universidade. Neste curso foi a proba que decidiuse que fora aberta a tódolos interesados.

A proba realizouse conxuntamente ao peche con actividades de billar da Asociación Hercle, ambas na Reunión Recreativa de Artesanos.

O vencedor foi Francisco Pedreira, que neste curso leu o seu doutorado na USC, segundo clasificado Rodrigo Pena, alumno de Socioloxía.

Francisco Javier García, Daniel Codesido, Suso Ramos e Fernando Castro foron, nesta orde, os seguintes clasificados.

INSCRICION NO CURSO DE MONITORES

Tras a etapa de preinscrición, hai un grupo de xente interesada no curso que supera o mínimo para a súa celebración.

Polo tanto agora abrimos a etapa de inscrición que finaliza o venres ás 14,00.

Agradecemos que esta inscrición e o pago estean confirmadas entre mércores e xoves.

Dúbidas:

O traballo práctico poderá ser concretado con Josep Suárez

Aqueles que prefiran a opción dunha parte práctica con devolución da matrícula, deberán sinalar ista opción na inscrición.

O curso desenvolverase en castelán,

As clases serán subidas de xeito que se podan visualizar nun horario distinto.

O exame é online na hora e data sinalada.

Finalmente non haberá créditos en xeral polo curso, aínda que si os alumnos da UDC poderán solicitarlos pola súa participación nesta actividade.

INSCRICION

CURSO DE DOCENTES EN XADREZ

Se estás interesado, inscríbete ata o mércores!

Este curso de formación foi concebido para proporcionar aos asistentes unha certificación conforme á existencia de coñecementos e comprensión suficientes para a actividade de xadrez educativo e social. Desde INCUDE ofrecerase unha serie de pautas e exposición das experiencias dos últimos anos con alumnos entre 4 e 93 anos.

Modalidade: Online ou mixto

Acreditación: O curso proporciona a aqueles que superen o exámen dúas titulacións; School Chess Teacher Training (avalado pola Federación Europea ECU101) e Docentes de Nivel I da Federación Española de Xadrez.

A asistencia ás clases online e a realización do traballo práctico será recoñecida polo certificado correspondente. Solicitaranse créditos ETCS. (informaremos dos progresos).

Contidos:  
Métodos didácticos: método SMART®, técnicas de cuestionamiento, métodos de xogo, habilidades de pensamento, código de conduta, organización de torneos de clase, minixogos, formatos sociais, resolución de problemas, termos de planificación e leccións.

Desenvolvemento do curso:
A duración do curso estímase entre 69 - 94 horas.

Parte teórica:
Luns 12 de xullo: 16,00 a 20,00. Clases online. 
Martes 13 de xullo: 16,00 a 20,00. Clases online. 
Mércores 14 de xullo: 16,00 a 20,00. Clases online. 
Xoves 15 de xullo: 16,00 a 20,00. Clases online. 
Venres 16 de xullo: 16,00 a 20,00. Clases online. 

As clases online subiranse e poderán verse noutro momento.
A primeira hora das sesións será de explicación de experiencias da Escola e as tres seguintes de temario dos cursos federativos.
Luns 19 de xullo: 16,00 a 20,00. Repaso e exame ás 19,00.
Total horas parte teórica: 24 horas.

Parte práctica:
Para o traballo, que se desenvolverá de acordo ás indicacións do profesorado, o alumno poderá optar por dúas modalidades; 1) Desenvolvemento dun traballo final teórico, que deberá ser entregado pola súa valoración antes do 19 de agosto ou 2) Realización do temario dun curso de 15 horas e impartición do mesmo. (A parte de impartición será remunerada coa devolución do importe do curso).
Este traballo práctico ocupará ao redor de 45-70 horas.

Participantes: 
Poden inscribirse todos os interesados a partir de 16 anos.
É necesario posuír coñecementos básicos de xadrez.

Composición máxima do grupo: 30. Composición mínima: 11.

Curso impartido por Olympia Chess Academy en colaboración coa Escola Universitaria de Xadrez de INCUDE.

Matrícula:
170 euros (recuperables en función da modalidade de traballo práctico elixida).

Inscrición:

Farase a preinscrición mediante correo a escola@xadrezuniversitario.org. 

Unha vez confirmado o mínimo solicitarase o pago da matrícula.

CURSO FINAIS ELEMENTAIS

Para os interesados lembramos que estes días poden anotarse no Torneo Universitario Lóstrego que vai celebrarse este sábado 26 ás 17,00 horas na Reunión Recreativa e Instructiva de Artesanos.

A actividade a organizamos en colaboración coa Asociación Hercle. Debes apuntarse na súa web www.hercle.org

Aproveitamos para propoñer o Curso de Finais Elementais de Xadrez.

A celebrar de luns a venres dende o día 5 ao 9 de xullo no Centro Universitario de Riazor de 11,00 a 14,00.

Para calquera idade. Obrigatorio estar federado ou ser alumno da UDC.

Este curso basearase no libro Finais elementais de xadrez, editado por AGAX e que recibirán os asistentes.

Como complemento empregarase o cuaderno de finais básicos da Federación Española de Xadrez e o libro "Los 100 finales que hay que saber"

Temario da semana

Luns 
1 - Mates básicos
O mate de dama - O mate de torre - O mate de dous bispos - Introducción ao mate de bispo e cabalo
2 - A oposición básica
3 - Rei e peón contra rei
Rei afastado do seu peón - Rei protexendo o seu peón
Martes
4 - Rei e dous peóns contra rei
Peóns ligados - Peóns illados - Peóns dobrados
5 - Rei e peón contra rei e peón
Peóns na mesma columna - Peóns en columnas adxacentes - Peóns pasados
Mércores
6 - Rei e dama contra rei e peón en sétima
7 - Rei e torre contra rei e peón
Rei do bando con torre sen intervención - Rei do bando con torre con intervención
Xoves
8 - Rei e torre contra rei e dous peóns
Peóns unidos - Peóns non unidos
9 - Rei, torre e peón contra rei e torre
Posicións básicas de táboas - Dominación vertical - Dominación horizontal - O peón de torre

Venres

Repaso e avaliación

Grupo mínimo: 4. Grupo máximo: 6

Inscricións: Por whatsapp no 654 60 37 16

Prezo do curso: 50 €

Os asistentes recibirán unha camisola de xadrez e o libro empregado como manual.

TORNEO SEMIRRAPIDAS

Despois de moitos meses de parón imos organizar para a vindeira semana o Torneo Universitario de Semirrápidas.

Farémolo con todas as precaucións posibles, deixando que só 6 persoas estean na sala do CUR que xa empregamos no mes de decembro.

Datas de xogo: 21, 23 e 25 de xuño. 19,00 - 20,00 horas. Partidas a 15 minutos.

Centro Universitario de Riazor. Almirante Lángara, s.n. A Coruña.

Para membros da Comunidade Universitaria e Antigos Alumnos.

Inscríbete en: incude@udc.es

XADREZ E MAIORES

O Departamento de Xerontoloxía acaba de remitirnos o artigo publicado tras a nosa iniciativa de empregar o xadrez como preventivo de problemas cognitivos e valorar dun xeito científico.

Como entidade universitaria estamos encantados destas primeiras aproximacións e dos que virán en canto a COVID o permita.

Moitas grazas ao Departamento de Xerontoloxía por darlle vida á nosa proposta. 

Vitoria no circuito para Roiandroll

O Circuito de Primavera rematou o pasado venres coa vitoria no torneo de ramiro72, que liderou o circuito varias xornadas, pero que se veu rebasado nas últimas por RoiandRoll, que xa gañara o circuito de Inverno.

RoiandRoll e o nick en chess.com de Rodrigo Pena, alumno de socioloxía.

A clasificación final tras as seis probas que conformaban o Circuito foi a seguinte:

Coa celebración deste torneo, rematamos os circuitos online do curso 2020-2021, nos que celebramos os Circuitos de Outono, Inverno e Primavera. Grazas a todos os que xogaron nalgún dos torneos e agardamos seguir con esta actividade no curso 2021-2022 pero xa de xeito presencial, como faciamos antes da COVID.

Lembramos que está aberto o prazo para para participar no II Torneo de xadrez na modalidade 960, actividade que é restrinxida só para membros da comunidade universitaria da Coruña.

ULTIMA PROBA DO CIRCUITO DE PRIMAVERA

O próximo venres rematará o Circuito de Primavera.

En principio en INCUDE non temos prevista a realización de mais circuitos ata o inicio do Circuito de Outono en outubro ou novembro.

Tras o torneo do pasado venres os resultados impulsan a RoiandRoll á primeira praza, reforzada polo feito de que o anterior lider non foi quen de puntuar, o que deixa a ramiro72 ante a necesidade de gañar ou quedar segundo e que roiandroll non puntue.

Clasificación actual:

Último torneo. Venres 4 ás 21,29.

https://www.chess.com/play/tournament/2359650 

Penúltimo torneo do Circuito

Este venres 28 teremos o penúltimo torneo do Circuito de Primavera.

Nas últimas semanas RoiandRoll foi recurtando a distancia con ramiro72. E agora é so dun punto.

Unha situación moi axustada que veremos a favor de quen se inclina

Próximo torneo:

Venres 28/05/2021 ás 21,30 en chess.com

https://www.chess.com/play/tournament/2356095

ROBERTO SERRANO GAÑA O TORNEO ONLINE. LANZAMOS TORNEO 960.

Roberto Serrano (PAS), que foi segundo nos torneos de 2019 Online e 960 ven de impoñerse no Torneo Online da UDC deste curso. Roberto xa gañou no pasado decembro o XXX Torneo Universitario presencial.

Tras Roberto Serrano quedou Rodrigo Pena (alumno de Socioloxía) e en terceiro lugar Diego Medín (exalumno de Aparelladores) que gañara na edición anterior.

A clasificación completa (2 páxinas) pode verse en: 

https://www.chess.com/tournament/vii-torneo-online-da-udc/players?&page=1

TORNEO 960

Deixamos pouco menos dun mes para empezar outro torneo online; a segunda edición do Torneo 960.

Lembra que nesta modalidade as pezas da primeira fila sorteánse dentro dunha serie de restriccións.

Neste torneo poden participar os membros do noso club UDC en chess.com (Comunidade Universitaria e exalumnos).

O Torneo empezará o 14 de xuño, ao remate dos exames.

https://www.chess.com/tournament/ii-torneo-de-xadrez-960

Retomamos o circuito

O Circuito de Primavera volve o próximo venres.

ramiro72, que lidera o Circuito,  recolleu esta semana o trofeo das actividades COVID de marzo e abril.

Por outra banda a falta dunha soa partida JoinFreeEasy é o virtual vencedor do Torneo Online da UDC deste curso. En canto remate faremos o torneo online 960.

Próximo torneo:

Venres 21 de maio ás 21,30 en chess.com

https://www.chess.com/play/tournament/2330877

ramiro72 lidera o circuito

ramiro72 está a liderar o Circuito de Primavera e tamén logrou a vitoria das actividades especiais pola COVID de marzo e abril, que tivo a seguinte clasificación:

No Circuito de Primavera, o torneo deste venres tivo unha participación maior e catro dos que puntuaron no mesmo non conseguiran puntos antes, polo que o grupo de xogadores dentro do circuito agora é mais grande. Levamos xa a metade dos torneos que compeñen este circuito.

O próximo venres non temos torneo do Circuito, xa que tentaremos facer algunha actividade distinta aproveitando o fin de semana das Letras Galegas.

VOLVE O CIRCUITO DE PRIMAVERA

Este venres temos de novo torneo do Circuito de Primavera.

En maio haberá torneos os días 21 e 28. O próximo día 14, previo á ponte das Letras Galegas, non haberá.

Venres 7 de maio ás 21,30

https://www.chess.com/play/tournament/2300554

Actividades para este venres

A Xornada Lúdica dos Irmandiños tivo como vencedor a David Pérez Cuns e en segundo lugar quedou Pablo Iglesias, xogador sub10.

A proba presencial foi a primeira doutras que agardamos ir facendo ao longo do mes de maio.

Empezamos este fin de semana coa celebración da Xornada Lúdica de Beltaine, unha proba que será a suma de catro torneos e que se superpón a outra acción sobre o mellor das actividades COVID de marzo e abril.

Clasificación da Xornada Lúdica dos Irmandiños

1 DAVID PEREZ,         5 5 7.5 12.0 15.0

2 PABLO IGLESIAS, 3 3 6.5 11.5 8.0

3 ADRIAN QUEVEDO, 3 2 7.5 10.5 9.0

4 FLORENCIO GONZALEZ, 1000 3 2 7.0 12.0 7.0

5 DAVID NOVOA,         2.5 2 8.0 13.0 9.0

6 CARLOS PARDO, 2 2 8.5 15.0 8.0

7 RUBEN TROITEIRO, 1.5 1 8.0 13.0 4.0

8 SIMON GARCIA,         0 0 8.5 13.0 0.0

As Xornadas Lúdicas de Entroido teñen pendente de entregar o Trofeo de Imbolc, no que a clasificación dos torneos de xadrez e doutros xogos levou a vitoria de Jacobo Vieites, que foi seguido de Ruben Troiteiro. En breve entregaremos o trofeo a Jacobo.

Outra das accións a piques de rematar é a do trofeo ao mellor das actividades especiais COVID de marzo e abril. A clasificación vai como segue.

Ramiro72 grazas ás súas vitorias nos torneos do Circuito de Primavera lidera a clasificación, seguido de cerca polo vencedor do Circuito de Inverno, RoiandRoll. O desenlace verémolo tras os tres torneos indicados, que son de distintas modalidades, que se celebran hoxe venres; A Xornada Lúdica de Beltaine. 

XORNADA LUDICA DE BELTAINE

Unha xornada especial que se desenvolve só o venres 30 de abril, lembrando esta antiga festividade celta. Catro torneos, todos moi distintos.

1. TORNEO 3 XAQUES. VENRES ÁS 16,00 EN CHESS.COM

https://www.chess.com/play/tournament/2284311

2. TORNEO REI DO OUTEIRO. VENRES ÁS 17,15 EN CHESS.COM

https://www.chess.com/play/tournament/2285816

3. ADESTRAMENTO PRESENCIAL TIPO TORNEO LOSTREGO. ÁS 19,00 EN CC.LOS ROSALES.

5 roldas a 5 minutos que terán lugar no C.C. Los Rosales de 19,00 a 20,00.

Cota: 2 euros

O mellor clasificado recibirá unha camisola de AGAX.

A actividade terá lugar cun mínimo de 4 anotados. As inscricións teñen que facerse no 654 60 37 16.

O máximo posible de anotados será de 12 xogadores.

4. TORNEO DA NOITIÑA. VENRES ÁS 21,30 EN CHESS.COM

https://www.chess.com/play/tournament/2284318

Ramiro72 gañou os dous torneos

O Circuito de Primavera está tendo menos participantes que o do inverno, será que o tempo e o retraso do "toque de queda" leva a xente a estar fora na hora de xogo.

Ramiro72 conta os torneos por vitorias e o gañador do Circuito de Inverno, RoiandRoll non foi esta vez capaz de catapultarse á primeira praza.

Por outra banda David Pérez (na foto) pasou a polo seu trofeo do Torneo Almirante Lángara, celebrado despois da semana Santa.

O Circuito, como os demais, conta con 6 torneos e o próximo venres non toca.

Voltaremos a xogar o 7 de maio co terceiro dos torneos.

CLASES ONLINE DOS VENRES

Este venres iniciaremos unha nova tanda de adestramentos online con Héctor. En principio os últimos do curso.

A planificación é a seguinte:

Venres de 16,00 a 17,30

Día 23 de abril: Patróns de finais 

Día 30 de abril: Día a dedicado a torneos.

Día 7 de maio : Apertura Italiana en profundidade

Día 14 de maio: Finais de peóns 

Día 21 de maio: India de Rei en profundidade

Día 28 de maio : Tácticas (sacrificios de calidade, de liberación de espazo, sobrecarga etc)

Cota: 35 euros, 25 se estás federado no noso club.

Inscricións e mais info no whatsApp: 654 60 37 16

Primeiro torneo do Circuito de Primavera

O pasado venres iniciou o Circuito de Primavera organizado por INCUDE.

ramiro72 foi o vencedor deste primeiro torneo.

O circuito ten a seguinte clasificación:

Próximo torneo do circuito; venres 23 ás 21,30

https://www.chess.com/play/tournament/2257355