Liga Federada.
Fixámonos o obxectivo de que un equipo subise e o outro se mantivese. O primeiro non se puido conseguir e o segundo conseguiuse con facilidade, deixando aos dous equipos practicamente empatados. Non había equipo na terceira división debido ás viaxes, o que para nós non ten sentido nesta división. Para o ano que vén, xa temos a Iago pensando en que equipo tentará subir de división.
Xogade - Programa escolar da Xunta.
Como noutros anos, mantendo un acordo con Xadrez das Mariñas na competición en Cambre e puxemos en marcha outro co Coruña Chess.
Na fase local coruñesa en categoría infantil o Cidu non tivo rivais, o Coruña Chess gañou e o Cidu benxamin quedou segundo. Todos eles pasaron á fase intercomarcal. Nesta fase o único que conseguiu pasar á fase provincial foi o Benxamin CIDU.
Na fase local en Cambre, o XDM infantil e o XDM benxamin conseguiron avanzar á fase seguinte, onde o XDM benxamin foi campión, pasando á fase provincial que tamén gañou.
Foi, polo tanto, un bo ano. Especialmente para os mais novos; O campión provincial da categoría Benxamin o XDM estaba formado na súa maioría de xogadores das nosas escolas. Así, na fase provincial, dous equipos dos catro calasificados tiñan xogadores da escola (catro de nove xogadores) e outros catro foron da escola do Sporting Club Casino, co que compartimos coordinador. Pode que noutras categorías non foran tan boas, pero moi meritorias.
Este sábado despois do torneo do Día das Letras Galegas comezaremos a preparar o curso 2025-2026, coa intención de introducir novidades importantes.
Obviamente, gustaríanos escoitar as vosas opinións e suxestións de mellora.
En calquera caso, lembrade que temos o torneo blitz este sábado, e o torneo en liña comezará ese mesmo día se aínda non vos inscribistes.
.png)
