31/10/13

Día 1 de novembro. Torneo de Outono.

Como o CUR estará pechado xa que é festivo, realizaremos esta actividade no Sporting Club Casino.

TORNEO DE OUTONO

Dende as 18,00
4ª Planta
Sporting Club Casino
Real, 83

28/10/13

Diego García-Muñoz gaña o primeiro torneo do Circuito.

A clasificación da primeira semana foi a seguinte:

1. Diego García-Muñoz, 5
2. Santiago Dominguez 4
3. Daniel Mayo 3
4. José Manuel Andión 2.5
5. Carlos Castedo 2.5
6. Ernesto Pérez 2
7. Luis Carlos Martínez 2
8. Manuel García 2
9. Daniel Codesido 2
10. Manuel Andión 0

Segundo o modelo que empregaremos neste circuito se o próximo día lles tocara xogar a Diego García-Muñoz (2,5 por riba da media) contra Ernesto Pérez (0,5 por baixo da media) a diferencia de 3 puntos faría que o vicepresidente e o presidente do Club xogasen con 3 minutos menos o primeiro e 3 minutos mais o segundo.

Como é a primeira vez que se xoga con este sistema estamos a facer probas. O tempo mínimo e máximo será de 1 e 9 minutos.

25/10/13

Torneo por internet e Circuito de Rápidas de Tempo variable

Este curso o inicio vai ser forte; hoxe temos duas actividades para os socios que se acheguen ao CUR, coa derradeira oportunidade de apuntarse ao torneo en liña e o inicio do circuito de tempo variable.

A responsabilidade de ambos torneos e do secretario do CIDU, Santiago Domínguez.

TORNEO EN LIÑA

Poderán participar todos os membros da comunidade universitaria da UDC: estudantado, persoal de administración e servizos, persoal de proxectos e convenios, e persoal docente e investigador.
O torneo dará comezo o 28 de outubro de 2013.
Todos os participantes deberán enviar unha mensaxe ao enderezo de correo electrónico incude@udc.es dende a súa conta @udc indicando o seu nome, apelidos e centro, ata o 25 de outubro.
INCUDE comunicará aos inscritos a plataforma que se empregará para o torneo.
A inscrición é gratuita e non hai límite de prazas. O sistema de xogo será de doble round-robin (todos-contra-todos con ambas cores), cunha única fase definitiva.
O ritmo de xogo será de dous días acumulables por xogada para toda a partida, sen dereito a vacacións.
En ningún caso está permitido empregar módulos, bases de finais, ou consultar a outros xogadores. Si están permitidos libros de aperturas ou libros de calquera outra temática tanto físicos como virtuais. Se a organización entende que un xogador está a empregar módulos, este será expulsado do torneo.
Premios: Trofeo e agasallo para os tres primeiros.
A participación no torneo supón a aceptación das presentes bases.

CIRCUITO DE RAPIDAS DE TEMPO VARIABLE

Este circuito terá a curiosidade de que os primeiros clasificados do mesmo terán menos tempo que os seus rivais que estean na parte baixa da táboa.

Desta forma no primeiro torneo todos xogarán con cinco minutos, pero nos seguintes torneos o tempo se repartirá segundo a diferencia existente na clasificación entre os xogadores, de xeito que poderemos ver partidas de 1 minuto contra 9 segundo que lugar ocupen os contrincantes na táboa.

Todos os torneos serán a cinco roldas, disputándose nas seguintes datas:

25 de outubro
8, 22 e 29 de novembro
13 e 20 de decembro

Serán por tanto seis torneos.

Cota de participación por torneo: 2 euros (1 euro para socios de AGAX ou CIDU)
Premios: Camiseta en cada torneo para o primeiro clasificado.
trofeo para os tres primeiros clasificados do circuito.

04/10/13

O venres 4 non abre a sala de xadrez no CUR

Ao celebrarse o Torneo de Rápidas do Virxe do Rosario, o venres 4 de outubro non se abrirá a sala de xadrez do Centro Universitario de Riazor.

Información sobre o torneo.

03/10/13

Empeza a Escola Universitaria de Xadrez

A Escola Universitaria de Xadrez do curso 2013-2014 empezou este mércores á espera de que se xunte o grupo mínimo.

Datas: Todos os mércores de 19,30 a 21,30 e dende outubro a xuño (inclusive)

Custo: Para os universitarios hai que ter o abono deporte (25 euros) e pagar 35 euros por todo o ano. Para os non universitarios o custo sube a 110 euros (pouco mais de 12 euros ao mes).

A vindeira semana o CIDU publicará o listado das súas propias clases de xadrez.

(Asistentes: Carlos C., Santi D., Manuel A. e Dani M.)