Torneo do XXXI Aniversario

O día 1 o noso club cumple 31 anos e abrimos a serie de torneos que formarán o noso calendario de probas. 

Celebramos que o 1 de maio de 1994 seis universitarios e un profesor promoveron a creación do Club de Iniciativas Deportivas Universitarias. Para a actividade imos contar co apoio da nosa entidade matriz; a asociación de estudantes da UDC INCUDE e tamén do Sporting Club Casino que nos deixará empregar as súas instalacións unha vez mais. Igoalmenmte agardamos contar coa axuda anual da Deputación da Coruña. A todos eles expresarlles o noso maior agradecemento.

Como xa fixemos en anos pasados e pensamos manter no futuro o Torneo tamén determina ao campión universitario da UDC na modalidade de rápidas (XXXIII Torneo Universitario de Rápidas) que será recoñecido cun trofeo a maiores.

BASES DO TORNEO ANIVERSARIO.

DATA: 
Xoves 1 de maio de 2025.

LOCAL DE XOGO:

Salóns da 4ª Planta do Sporting Club Casino.

Rúa Real 83 - A Coruña

HORARIO:

Presentación: 16,00-16,25
1ª Rolda: 16,30

2ª Rolda: 17,00

3ª Rolda: 17,30

4ª Rolda: 18,00

5ª Rolda: 18,30

Entrega de trofeos estimada: 19,00 a 19,30.

SISTEMA DE XOGO E RITMO:

Xogarase por sistema suizo a cinco roldas.

O ritmo será de 15' + 3''. A criterio dos árbitros nas categorías inferiores poden no poñer reloxio, poñelo en ritmo finish ou só poñelo nas partidas longas.

Non se dará tempo extra polas xogadas ilegais, salvo que queden menos de dous minutos.

DESEMPATES:
Os sistemas de desempate serán sorteados tras a derradeira rolda.

XOGADORES E CATEGORÍAS:

Poderán participar calquera xadrecista que teña licencia federativa en vigor. 

Tamén poderán participar socios do Sporting Club Casino sen estar federados.

Os participantes do torneo xogarán nas seguintes categorías dacordo a súa idade:

Sub8 ou Prebenxamin. Nados en 2017 ou seguintes.

Sub10 ou Benxamin. Nados en 2016 e 2015.

Sub12 ou Alevín. Nados en 2014 e 2013.

Sub14 ou Infantil. Nados en 2011 e 2012.

Absoluta. Nados en 2010 ou anteriores.

En función do número de participantes realizaranse grupos estrictos por idade o combinados.

PREMIOS

Trofeo para os tres primeiros clasificados de cada grupo.

Libro e pequeno agasallo para todos os asistentes.

Medalla para todos os participantes sub14.

Para a entrega dos premios será obrigatorio a asistencia ao acto de clausura e entrega de premios.

COTAS E INSCRICIONS

Os primeiros torneos do Aniversario terán unha pequena cota no mes de maio, mentres que os xa programados para xuño e xullo serán de balde.

A participación neste torneo será de 5 euros. 

O máximo de participantes será de 80.

A data tope para anotarse será o 30 de abril ás 14,00.

Os xogadores participantes terán preferencia na inscrición dos demais torneos do Aniversario.

A inscrición realizarase mediante o seguinte formulario electrónico:

PREME

OUTROS TORNEOS NAS PRÓXIMAS SEMANAS

En 2025 queremos consolidar os torneos de 2024, con pequenos cambios que agardamos se manteñan ano a ano. Hai unhas semanas publicáronse todos os torneos previstos deste programa, estando pendente a progrmación dos Torneos de Outono.

Outras probas previstos nas próximas semanas:

TORNEO DIA DAS LETRAS GALEGAS. 17 de maio. Válido para ELO FIDE en ritmo lóstrego.

XXXIII TORNEO UNIVERSITARIO LÓSTREGO - (C.C. Odeón en Narón). 28 de xuño. Válido para ELO FIDE en ritmo lóstrego.

TORNEO ASALTO AO CASTELO (Vimianzo). 5 de xullo.

CONSIDERACIONS FINAIS

Advertencia 1: Os participantes nas probas autorizan a publicación dos seus datos persoais nos diferentes medios que a organización considere oportunos para a necesaria difusión do evento e da serie de probas (resultados, clasificacións, participantes... etc.) así como a súa presencia nas fotos realizadas cos mesmos propósitos.

Advertencia 2: Para o mellor funcionamento do Torneo os organizadores poden ampliar e modificar as bases do mesmo antes da celebración da proba.

A participación leva aparellada a aceptación destas normas.

Semana Santa

Durante a Semana Santa non teremos actividade xa que o Centro Universitario de Riazor permancecerá pechado varios días.

Pero temos dúas propostas:

Hoxe venres: No CUR a partires das 19,30 para un venres mais de xadrez para universitarios e socios do CIDU.

Durante a Semana Santa: Faremos entre socios e mebros das nosas escolas unha clasificación combinada con todas as probas que ademais de este venres realicen os nosos socios en AGAX. Podedes ver as probas en www.xogandocoxadrez.eu e daremos un trofeo para o mellor clasificado das distintas actividades de Semana Santa.

E tamén por apuntarse no Torneo Online que está aínda aceptando xogadores.

A volta destas vacacións o CUR xa estará aberto ata mais tarde así que agardamos facer bastantes probas.

Xogade e Torneos 2025

O sábado pasado tivemos a fase intercomarcal de Xogade. Xogadores da Escola formaban parte de seis dos doce equipos que se clasificaran para o encontro... non estaba mal.

En canto aos resultados:

Categoria Benxamin. O XDM con tres xogadores das nosas escolas campión, o CIDU, con tres xogadores das nosas escolas Subcampión.

Categoría Alevín: No segundo equipo un xogador e dous no terceiro.

Categoría Infantil: Catro xogadores no terceiro e dous no cuarto. 

En principio con estes resultados so participarán na fase provincial os xogadores do XDM en Benxamin. Resumindo a cousa foi bastante ben pero tamén vimos cousas a mellorar que intentaremos facer para o próximo curso.

Por outra banda, rematado Xogade e con só dúas roldas mais da Liga, temos que anunciar a nosa importante serie de torneos. Estes son os que agardamos realizar neste 2025.

Quedaría o Torneo de Outono que facemos normalmente na primeira quincena de novembro.

Torneos duplicados nos dous campus:

Campus da Coruña:

1. Torneo Aniversario do CIDU. 1 de maio.
Ritmo: Rápidas
Realizarase conxuntamente co Torneo Universitario de Partidas Rápidas. Iniciado en 1992.

2. Torneo Día das Letras Galegas. 17 de maio.
Ritmo: Blitz
Válido para ELO FIDE

3. Torneo Xornada de Benvida á UDC. En data a determinar pola UDC. (Previsto Setembro).

Campus de Ferrol:

4. Torneo Cariño, Mes de Xullo.
Ritmo: Rápidas

5. Torneo Odeón - Narón. Finais de xuño.
Ritmo: Blitz
Válido para ELO FIDE
Realizarase conxuntamente co Torneo Universitario de Partidas Lóstrego.  Iniciado en 1992.

6. Torneo Xornada de Benvida á UDC. En data a determinar pola UDC. (Previsto Setembro).

Probas non duplicadas:

7. Torneo Asalto ao Castelo de Vimianzo. Primeiro sábado de xullo.
Ritmo: Blitz. Inclúe tamén torneo online.

8. Torneo promoción. En lugar e data por determinar.
Ritmo: Blitz
Actividade para difundir o xadrez e dar a coñecer o xadrez universitario.

9. Torneo Universitario. Iniciado en 1990. Previsto outubro e novembro
Dende curso 2024-2025 empeza a realizarse nos primeiros meses do curso para no posible non coincidir con exames e dar tempo á posible selección para Campionato de España Universitario.
Ritmo: Standard. Torneo a rolda semanal. En principio venres de outubro e novembro

10. Torneo Aniversario INCUDE. Xa realizado no mes de xaneiro.

11. Torneo de Verán Universitario. Previsto mes de xullo.
Ritmo: Standard. Torneo de luns a venres. Valedeiro para ELO FIDE.

Actividade 4 e 5

Chegamos abril, que veu coas típicas e tópicas choivas e temos estes días as seguintes actividades:

Hoxe venres abrimos no CUR ás 19,30. Bó momento para ir adestrar para as partidas do sábado.

O sábado teremos de mañá a fase intercomarcal de Xogade.

Así as 11.00 temos convocados a moitos dos nosos rapaces da escola, que xogarán nas tres categorías para pasar a fase provincial. Sorte para eles. 

Pola tarde temos liga:

ROLDA-9 05-04-2025
TDFC dulce - CIDU INCUDE PIZZA MOVIL
REGATAS DE PERILLO - CIDU UNIVERSIDADE DA CORUÑA

Aínda que en principio os dous equipos xogarían fora da casa, Regatas Perillo pediu xogar no CUR por non estra disponible Vila Concepción.

E lembramos que imos iniciar o Torneo Online? Apúntate xa!.

Actividade 28 e 29 de marzo

Nova fin de semana e distintas actividades para o xadrez universitario e os socios do CIDU.

Como xa verías na noticia anterior aos membros da escola de xadrez non lles foi de todo mal na competición da Xunta - Xogade. E para adestrar este sábado teremos adestramento especial.

Paralelamente o sábado pasado o CIDU presentou un equipo completamente sub18 nun dos seus encontros da Liga de Segunda (os da foto) que se saldou con vitoria dos nosos representantes.

Hoxe venres abrimos no CUR ás 19,30 e agardamos facer a entrega do Circuito de Inverno das semanas pasadas e iniciar o Novo Circuito de Primavera coas mesmas bases.

O sábado teremos aos dous equipos xogando xuntos na casa, por última vez nesta liga:

ROLDA-8 29-03-2025
CIDU UNIVERSIDADE DA CORUÑA - ESCOLA XADREZ CLUBEXA A
CIDU INCUDE PIZZA MOVIL - AIR-HOSTESS A

Para os rapaces de Xogade, ás 17,00 comezará no Centro Comercial Los Rosales o Torneo de Clausura da Liga Escolar (para os que participaron en xornadas anteriores nesa proba) e ás 18,30 para todos haberá un adestramento especial no mesmo espazo. Lembrar que a fase seguinte de Xogade será o sábado 5 ás 11,00.

E sabes que temos o Torneo Online? E para universitarios pero tamén para os socios do CIDU. Se queres xogar aínda estás a tempo.

Resume actuación Xogade

Na pasada fin de semana tivemos a segunda e última xornada do programa de deporte escolar da Xunta - Xogade.

Tal como fixemos a semana pasada; aqui vai o resumo.

Xogade na Coruña

Categoría Cadete: Como xa comentaramos seguimos sin saber se hai ou non proba. Esta semana a Xunta nos enviou o convenio coa Federación Galega de Xadrez e díxonos que lle pediramos á Fegaxa de facelo. Por agora non temos mais noticias.

Categoría Infantil: Como xa contaramos o CIDU clasificara xa sen rivais.

Categoría Alevín: A semana pasada comentamos o duro que sería clasificarse na nosa alianza co  novo club Coruña. Pero logramos quedar primeiros por medio punto cos nosos xogadores Diego e Darío. O TDFC, onde xoga Xabi, que é alumno, tamén pasa como mellor segundo dos distintos grupos.

Categoría Benxamin: O equipo CIDU Benxamin liderou a categoría ata a última rolda. Todo estaba ao noso favor con 1,5 punto de ventaxe, pero na última partida non gañou ningún dos nosos xogadores. Afortunadamente pasan como mellor segundo.

Xogade en Cambre

Como xa sabedes varios clubs colaboramos nesta proba e a Escola aporta o grupo maioritario.

Categoría Infantil: O equipo iba segundo a semana pasada e así rematou. Afortunadamente pasa como mellor segundo.

Categoría Alevín: Aquí estivemos lonxe de clasificar e ademais algún dos nosos xogadores non podía acudir nesta última xornada. 

Categoría Benxamín: í Nesta categoría contánase con gañar claramente a así foi. Tres xogadores acabaron con todos os puntos. Os mellores da nosa escola foron Nuno, Iker e Manu.

Categoría Prebenxamin: No torneo amigable de categoría sub8 o campión con ningunha derrota foi Pa Pablo. Noraboa!

Resumindo... Non hai quiexa. Se vedes o cadro dos clasificados, pois seguimos a ser a escola que mais clasifica a pesar de ser a menos numerosa das grandes. 

E agora?

Pois o sábado 5 de abril pola mañá é a fase intercomarcal. Pregunatremos pronto por disponibilidade.

E para adestrar faremos unha xornada especial o vindeiro sábado 29 nos Rosales, con Torneo e algunha cousa mais. Ide reservando a tarde!

Torneo Online Lentas 2025

BASES DO TORNEO

1. Poderán participar todos os membros da comunidade universitaria da UDC: estudantado, persoal de administración e servizos, persoal de proxectos e convenios, e persoal docente e investigador. Do mesmo xeito, poderán participar tamén os socios de INCUDE e CIDU, e os alumnos egresados da Universidade da Coruña.

2. A plataforma de xogo será www.chess.com. Os participantes deberán ter unha conta na devandita páxina, (non é necesario facer pagos para facela), e poderán xogar as partidas tanto vía web como a través das aplicacións gratuítas para móbil existentes.

3. O torneo dará comezo o 1 de abril de 2025. Todos os participantes deberán ser mebros do equipo UDC (https://www.chess.com/club/udc). De non ser membro poden enviar un correo electrónico a  incude@udc.es indicando o seu nome, apelidos, centro/servizo (ou a condición de socio do CIDU) e usuario en chess.com

4. A inscrición é gratuíta e o límite de inscritos este ano será de 25.

5. O sistema de xogo será de dobre round-robin (todos contra todos con ambas cores), cunha fase previa de grupos e unha posterior fase final, en función do número de participantes. 

6. O ritmo de xogo será de dous días por xogada para toda a partida, sen dereito a vacacións.

7. Os sistema de desempate será o habitual en chess.com.

8. A organización resérvase o dereito de adxudicar o resultado dunha partida se cre que se está alongando de xeito malintencionado evitando innecesariamente a finalización do torneo. 

9. Non está permitido empregar módulos, bases de finais, ou consultar a outros xogadores. Si están permitidos libros de aperturas ou libros de calquera outra temática tanto físicos como virtuais. As decisións da plataforma de chess.com con respecto as trampas son inapelables. Se a organización entende que un xogador está a empregar módulos, este será expulsado do torneo.

10. Premios: Trofeo para o primeiro clasificado. Taza do Club para os tres primeiros.

11. A participación no torneo supón a aceptación das presentes bases.

Resume da primeira xornada Xogade

A pasada fin de semana tivemos a primeira xornada do programa de deporte escolar da Xunta - Xogade.

Facemos un resume da situación, que pensamos que é moi boa e agardamos seguir asi.

Xogade na Coruña

Categoría Cadete: Como xa fixemos o ano pasado temos rexistrado un equipo nesta categoría aínda que non sabemos se a Secretaría Xeral para o Deporte ou a Federación farán a competición nesta etapa (o ano pasado pasaron de facela).

Categoría Infantil: O ano pasado grazas ao equipo desta categoría resultamos o único equipo da cidade da Coruña que chegou aos provinciais, tras vencer na fase local e intercomarcal. Este ano de entrada xa estamos como vencedores da fase local.

Categoría Alevín: Este ano tíñamos poucos interesados en disputar os encontros na Coruña e chegamos a un acordo co novo club Coruña. Tras as primeiras tres partidas este equipo, con nosos xogadores Diego e Darío, está empatado co TDFC, onde tamén xoga Xabi, que é alumno. O próximo venres vai ser moi complicado, pero está nas nosas mans clasificar.

Categoría Benxamin: O equipo CIDU Benxamin está a liderar a clasificación nesta categoría. Agardamos que siga así o próximo venres.

Xogade en Cambre

Como sabedes dende hai anos varios clubs colaboramos nesta proba (Cidu, Casino, Betanzos, Sigrás e Xadrez das Mariñas). Este ano tamén sumouse o novo Club Coruña. Xogamos como Xadrez das Mariñas ou XDM, e boa parte dos xogadores son nosos, especialmente das escolas dos Colexios Calasanz e Prácticas.

Categoría Infantil: O equipo vai segundo. O mellor individualmente neste conxunto está sendo Sergio Ramos, xogador noso cedido este ano no Casino.

Categoría Alevín: Aquí o Xadrez das Mariñas vai peor, ocupando a terceira praza. O mellor xogador individualmente (e un dos tres mellores da clasificación xeral) é o noso xogador Antonio.

Categoría Benxamín: Aquí non é que o Xadrez das Mariñas vaia ben... é que é primeiro e segundo!. Dos cinco xogadores que levan tres puntos, os cinco son de XDM e dous son das nosas escolas; Nuno e Iker.

Categoría Prebenxamin: No torneo amigable de categoría sub8 o lider tras as tres primeiras partidas é Pablo, tamén da nosa escola.

Resumindo... non lles vai mal de todo aos nosos rapaces.

Liga e Fin de Semana

Temos por diante fins de semana de mais actividade.

Venres

Ás 18,00 dan comezo os Xogos Escolares da Xunta - Xogade. No Pavillón de Elviña. A organización avisounos de que o CIDU INFANTIL xa clasificou para a seguinte fase.

Ás 19,30 tamén temos actividade no CUR con torneo a partires das 20,00

Sábado

Os dous equipos da Liga disputan as súas partidas como locais así que dende ás 17,00 estarán no CUR.

Domingo

Ás 10,00 empeza o Xogade en Cambre. Algúns dos nosos xogadores foron cedidos ao XDM para esta competición a ver que tal nos vai. Ademais varios dos máis pequenos xogarán o Torneo Sub 8 das Mariñas.

Concurso de Relatos San Rosendo

BASES DO CONCURSO DE RELATOS BREVES
"San Rosendo e o Xadrez"

1. Obxecto do Concurso
O presente concurso ten como finalidade fomentar a creatividade literaria e a divulgación da figura de San Rosendo, importante persoeiro da Galicia Medieval e con unha tradición que o vencella co xadrez.

2. Participantes
Poderá participar calquera persoa e cada participante poderá presentar un único relato.

3. Temática
Os relatos deberán estar inspirados na figura de San Rosendo e valorarase que aparezca a súa relación co xadrez.

4. Requisitos dos Relatos
A extensión dos textos deberá situarse entre 500 e 1.500 palabras.
Os relatos deberán estar escritos en galego.

O texto debe ser inédito e non estar publicado previamente en ningún formato nin estar pendente de resolución noutro concurso.

5. Presentación e Prazo
Os relatos deberán ser enviados en formato PDF ou Word ao correo electrónico incude@udc.gal antes do 1 de setembro de 2025. O asunto do correo debe ser "Concurso Relatos San Rosendo" e deberá incluírse ademais do relato un documento anexo cos datos persoais do autor baixo o título "datos".

6. Xurado e Criterios de Valoración
O xurado será determinado pola directiva da entidade.

Avaliaranse os seguintes aspectos:
Creatividade e orixinalidade.
Adecuación á temática proposta.
Calidade literaria e corrección lingüística.
Capacidade para evocar o mundo de San Rosendo e o xadrez.

7. Premios
O gañador deste concurso recibirá como premio un Trofeo e unha noite en habitación doble en Celanova, para coñecer mellor a localidade, berce do Santo.

Os autores dos textos que á xuizo do xurado merezan ser publicados na memoria anual de AGAX recibirán tamén un pequeno detalle da organización.

Permanecede atentos a este espazo para coñcer melloras neste apartado.

8. Resolución e Publicación
O fallo do xurado será inapelable e darase a coñecer no mes de setembro a través dos medios oficiais da organización. Tanto o primeiro premio como os que considere de especial calidade o xurado serán publicados físicamente no boletín da Asociación Galega de Xadrecistas e en internet nos espazos web de INCUDE e AGAX.

9. Aceptación das Bases
A participación no concurso implica a aceptación de todas as bases. Calquera situación non prevista nestas bases será resolta pola organización.

Entroido

Tras a xornada especial, que agardamos repetir, xa que a foto non foi gran cousa, temos por diante unha fin de semana na que hai parón na Liga.

Como sabedes xóganse algúns dos Campionatos Galegos. Nuno Moro, xogador do club, será o noso representante na categoría sub 8. Sorte para él! 

Aqui poderás ver a súa actuación nesta fin de semana: https://info64.org/campionato-galego-sub-08-2025

E para os demais, hoxe ás 20,00 temos o Torneo do Circuito de Inverno. Polo de agora a clasificación é a seguinte:

JOSE M 14
DANI 13
IAGO 11
JOSE 8
PABLO E 7
JACOBO 4
MATEO 3
BRAIS 2
ERICK 1

Ademais do trofeo para o vencedor, lembrade que por cinco participacións recíbese un vale de Pizza (e xa non quedan moitos venres de inverno).

E se isto non é suficiente, lembramos que botedes un vistazo a www.xogandocoxadrez.eu xa que esta semana hai diversos adestramentos e torneos

Xornada do Sábado

Lembrade que hoxe venres seguimos co Circuíto, con torneo ás 20,00 horas.

Para este sábado a actividade prevista é a seguinte:

16,00: Presentación no CUR
16,00 a 16,50: Torneo de Catro en Liña. Trofeo para o vencedor.
16,50-17,00: Foto de equipo con todos os xogadores do CIDU presentes, xoguen ou non a Liga (imprescindible traer a roupa do club).
17,00 en adiante:
Opción A: Liga Galega de Xadrez:

Agardamos que haxa mais xogadores que postos para xogar e que así mesmo os delegados poidan facer o equipo máis axeitados cos rivais presentes
CIDU UNIVERSIDADE DA CORUÑA - XDM "B' - Coruña
CIDU INCUDE PIZZA MOVIL - GALICHESS ARTEIXO B

Ademais tamén invitaremos ao CASINO a xogar contra o SIGRAS, polo que esperamos sexa unha xornada vistosa.

Opción B: Torneo de Carcasonne.

Explicación previa e torneo con trofeo.

Teremos, pois, ademais da Liga dous torneos de xogos con trofeo.

Pero ademais teremos outro trofeo máis o da Xornada Lúdica de Entroido. Este trofeo será para queb reúna máis puntos:

Por xogar o Torneo de Catro en Liña: 1 punto

Por quedar entre os cinco primeiros do Torneo anterior: 1 punto

Por xogar a Liga: 1 punto

Por gañar o encontro de Liga: 1 punto

Por xogar o Torneo de Carcasonne: 1 punto

Por quedar entre os cinco primeiros do Torneo anterior: 1 punto

Por ser o primeiro en resolver a proba de habilidade: 1 punto

Como pode que haxa un empate, o gañador decidirase nunha proba nalgún xogo de taboleiro propostos pola organización.

Ven a pasar a tarde co teu club!

Xornada Lúdica de Entroido

O venres teremos unha xornada mais do Circuito de Inverno, con partidas rápidas de 20,00 a 21,00.

Como este sábado na Liga Galega de Xadrez temos a rolda previa ao descanso do entroido, imos facer unha actividade especial.

Será unha actividade que agardamos facer todos os anos durante a Liga Galega de Xadrez, animando a participar a todos os membros da entidade, xogadores do CIDU e universitarios en xeral. Será como unha especie de día do club, coa foto oficial da entidade.

A Xornada Lúdica de Entroido iniciará ás 16,00 no Centro Universitario de Riazor.

Incluirá ademais da Liga Galega de Xadrez, partidas de catro en raia e de Carcasonne. Teremos distintos premios, incluíndo sorteo de vale de PizzaMovil e un pequeno detalle para todos.

Prégase puntualidade xa que haberá que xogar a Liga na hora fixada.

Liga Galega de Xadrez

Dura xornada o sábado pasado no Centro Universitario de Riazor. O CIDU UNIVERSIDADE perdeu contra outro dos equipos fortes da clasificación e alónsaxe das prazas de ascenso. Pola súa parte o CIDU INCUDE recibía ao lider ELX Absoluto, contra o que empatou, saíndo dos postos de descenso.

O próximo sábado será a cuarta rolda, e despois teremos o descanso do entroido.

Imos aproveitar para facer nesa xornada algo especial. Atento á web ou as nosas redes sociais.

Terceira rolda da Liga Galega

Cousas para estes días.

Hoxe ás 20,00 novo torneo do Circuito de Inverno. Lembra que se queres un vale de Pizzamovil hai que xogar cinco destas probas, e quedan. 14 de febreiro, 21 de febreiro, 28 de febreiro, 7 de marzo e 14 de marzo... xusto as cinco!.

Os rapaces dos colexios teñen este sábado a roda da Liga AGAX Escolar ás 17,00 nos Rosales.

E segue a Liga Galega de Xadrez:

ROLDA-3 15-02-2025
CIDU INCUDE PIZZA MOVIL - E.L.X. ABSOLUTO
PIRATA TITO - CIDU UNIVERSIDADE DA CORUÑA

 

Fin de semana

Hoxe venres temos un novo torneo do Circuito de inverno no CUR ás 20,00 e este sábado temos dous encontros na Liga Galega de Xadrez.

Tras a primeira xornada con partidas entre os nosos dous equipos este sábado toca recibir ao Arteixo en casa mentres o outro equipo xogará en Lugo.

Sorte para todos!

Actividade

O vicepresidente de INCUDE e membro do noso equipo de xadrez, Jaime Arangüena, anda estes meses de erasmus en Francia e participou nun torneo blitz.

Unha clasificación bastante digna (hai que ver algún apelido ilustre entre os xogadores) e un local que parece lembrar un pouco ao de certo café xoruñés.

Mais fotos nas redes sociais.

** Lembramos que hoxe venres ás 20,00 seguimos co Circuito de Inverno.**

Clases

Horario de clases actualizado:

Mércores 17,30

Mércores 18,30

No Centro Universitario de Riazor.

Unha hora de clase á semana cun prezo de só 20 euros ao mes.

O monitor será Brais Martínez.

Adaptarase ao nivel dos asistentes. Ahora mesmo o grupo das 18,30 é de iniciación.

Máximo 6 alumnos por clase.

Info no whatsapp 654 60 37 16

Liga 2025

Este é o calendario dos nosos equipos na Liga Galega de Xadrez. Dos últimos anos é a tempada que presentamos menos equipos, pero entendemos que o terceiro equipo cos rapaces, desprazamentos e equipos de maiores non tiña moito sentido.

Este ano agardamos poder facer unha foto de equipo similar á da imaxe que acompaña esta noticia e que hoxe mesmo cumpre 5 anos; no inicio da Liga Galega de Xadrez de 2020, que semanas despois sería suspendida pola COVID.

En canto aos desprazamentos longos cada un dos equipos ten que ir un día a Lugo. 

Ide reservando estas datas!

ROLDA-1 01-02-2025

CIDU INCUDE PIZZA MOVIL - CIDU UNIVERSIDADE DA CORUÑA

ROLDA-2 08-02-2025
CIDU UNIVERSIDADE DA CORUÑA - GALICHESS ARTEIXO B
ELX CADETE - CIDU INCUDE PIZZA MOVIL

ROLDA-3 15-02-2025
CIDU INCUDE PIZZA MOVIL - E.L.X. ABSOLUTO
PIRATA TITO - CIDU UNIVERSIDADE DA CORUÑA

ROLDA-4 22-02-2025
CIDU UNIVERSIDADE DA CORUÑA - XDM "B' - Coruña
CIDU INCUDE PIZZA MOVIL - GALICHESS ARTEIXO B

ROLDA-5 08-03-2025
PIRATA TITO - CIDU INCUDE PIZZA MOVIL
ESCOLA TECNICA DE XADREZ DA CORUÑA - CIDU UNIVERSIDADE DA CORUÑA

ROLDA-6 15-03-2025
CIDU UNIVERSIDADE DA CORUÑA - AIR-HOSTESS A
CIDU INCUDE PIZZA MOVIL - XDM "B' - Coruña

ROLDA-7 22-03-2025
ESCOLA TECNICA DE XADREZ DA CORUÑA - CIDU INCUDE PIZZA MOVIL
TDFC dulce - CIDU UNIVERSIDADE DA CORUÑA

ROLDA-8 29-03-2025
CIDU UNIVERSIDADE DA CORUÑA - ESCOLA XADREZ CLUBEXA A
CIDU INCUDE PIZZA MOVIL - AIR-HOSTESS A

ROLDA-9 05-04-2025
TDFC dulce - CIDU INCUDE PIZZA MOVIL
REGATAS DE PERILLO - CIDU UNIVERSIDADE DA CORUÑA

ROLDA-10 26-04-2025
E.L.X. ABSOLUTO - CIDU UNIVERSIDADE DA CORUÑA
CIDU INCUDE PIZZA MOVIL - ESCOLA XADREZ CLUBEXA A

ROLDA-11 03-05-2025
REGATAS DE PERILLO - CIDU INCUDE PIZZA MOVIL
CIDU UNIVERSIDADE DA CORUÑA - ELX CADETE

Actividades

Como sabedes en febreiro iniciará a Liga Galega de Xadrez, e xa en marzo teremos os torneos de xogade dos escolares da Xunta.

Coa idea de que os nosos xogadores vaian adestrando para estas actividades estas son as nosas propostas para estas semanas:

* MARTES

Os nosos colegas da Escola de Xadrez de Palaestra organizan un torneo de lentas os martes ás 19,00 no Centro Comercial Los Rosales. É unha actividade gratuíta.

* MÉRCORES

Clases de iniciación dende as 18,30 (20 euros/mes) con Brais Martínez.

* VENRES

Clases de adestramento dende as 19,30 (20 euros/mes).

Circuito de inverno. Partidas blitz dende as 20,30.

Sácalle partido ao teu club participando nestas accións.

Actividades de inicio de ano

Esta semana houbo novidades porque ante a posibilidade de ter que viaxar na Liga a Carballo, Baio e Malpica decidimos non presentar o equipo de terceira. 

Nos próximos días comentaremos a actividade a crear para os xogadores de este equipo, que poderán participar nalgún encontro de segunda e ademais montaremos un torneo por colexios sub14.

Por outra banda se hai xa varios días publicamos o noso calendario de torneos, hoxe toca informar dos torneos internos dos venres.

Durante as próximas semanas estaremos no CUR de 19,30 a 21,30.

Realizaremos un torneo de blitz de 20,00 a 21,00 todos os venres ata a primavera, o CIRCUITO DE INVERNO so para xogadores do Club. Haberá unha cota de 2 euros. O campión recibirá unha camiseta. Realizarase unha clasificación con todos os torneos e o campión recibirá ao final un trofeo. Haberá outros premios sendo o principal que todos os que participen en cinco destes venres recibirán un vale de Pizza.

Hoxe estaremos mais pero xogando a algún xogo de taboleiro como Dune ou Xogo de Tronos.

Venres no CUR

A partir de hoxe os venres estaremos no CUR a partir das 19,30.

Hoxe realizaremos un torneo blitz a partir das 20,30.

E marcaremos as actividades de clases e torneos para os próximos meses.

A FEGAXA publicou os grupos provisionais da Liga Galega nesta LIGAZON

Resultados Torneo Aniversario

Iniciamos o ano co Torneo Aniversario no que o primeiro posto decidiuse polo Bucholz tras o empate a puntos entre o actual campión universitario da UDC, José Aba, e Jorge Rodríguez, que pese a perder co anterior, logrou a vitoria final ao impoñerse nos sistemas de desempate habituais nos nosos torneos.

Se non sabedes como funcionan a preguntar o próximo día con actividade, que será no CUR o venres 10 para os nosos membros e o martes 7 para os sub14 que queiran asistir a unha clase especial de Marcos Martínez na Escola de Xadrez de Palaestra no Centro Comercial Los Rosales.

Resultados do Torneo:

1 JORGE RODRIGUEZ,  4 17.0 14.0 10.0 4
2 JOSE ABA,  4  14.5 11.0 8.5 4 MELLOR UNIVERSITARIO
3 OLIVER SANCHEZ, 3.5 15.5 12.5 10.5 3 
4 MARCO MARCOTE,  3.5 14.5 11.5 9.5 3 MELLOR SUB12
5 ALBERTO SANCHEZ,  3 15.0 9.0 9.5 3
6 PABLO ESPARRAGO, 3 12.5 8.0 7.5 3
7 ZOE RODRIGUEZ,  3 10.5 7.0 5.5 3
8 GABRIEL DEL RIO,  3 10.0 8.0 6.0 3 MELLOR SUB14 (2º)
9 MAR RODRIGUEZ,  2 12.5 5.0 8.0 2 MELLOR SUB10
10 JOSE MANUEL ANDION, 2 11.5 6.0 6.5 2
11 JOAQUIN DEL RIO,  1.5 9.5 5.5 6.0 1
12 ROQUE SANDE,  1 13.0 3.0 9.0 1
13 XOAN SANDE,  1 10.5 2.0 6.5 1
14 MANUEL LOPEZ,  0.5 8.5 2.5 4.5 0

Primeira fin de semana de 2025

Lembramos que hoxe día 4. aniversario de INCUDE, temos un torneo na nosa sede, con trofeos para os tres primeiros e para o mellor das categorías sub14, sub12, sub10 e sub8, así como medalla para todos os asistentes.

Tes as bases aqui: https://www.xadrezuniversitario.org/2024/12/torneo-aniversario-incude.html

E por outra banda temos que decir os equipos para a Liga Galega de 2025, no que será baixa case todos os encontros por estar de Erasmus, Jaime, a quen vemos na foto tras a súa vitoria no torneo de adestramento deste xoves pasado, levando a sudadeira do CIDU.

Sobre os equipos:

EQUIPO UN

O primeiro dos equipos tivo dous xogadores que disputaron todas as partidas e un que só faltou a unha, polo que resolver as roldas foi relativamente sinxelo. Neste 2025 en principio pensamos que o equipo será o mesmo e que as posibles baixas sigan a ser cubertas polos dous suplentes.

EQUIPO DOUS

No equipo dous, a pesar de que foron dúas roldas menos que no primeiro, só un xogador asistiu a todas as roldas. Pablo será neste 2025 o delegado do equipo e imos ver como se desenvolve coa baixa de Jaime, o primeiro taboleiro e o segundo en partidas disputadas.

EQUIPO TRES

No equipo tres xa houbo que recorrer a 15 xogadores e algúns deles xa non van estar nesta próxima Liga así que necesitaremos reforzar o equipo con xente nova e tamén conseguir unha maior implicación dos xogadores.

Se aínda non estás anotado pasa por esta ligazón e anótate no equipo:

https://www.xadrezuniversitario.org/2024/12/federate-co-cidu-no-2025.html